KGL Олимпиадын тухай

"KGL Contest" нь Ирланд улсын Олон улсын Сорилын байгууллага (ITA)-аас 2016 оноос хойш зохион байгуулж буй, дэлхийн хэмжээнд хүлээн зөвшөөрөгдсөн олон улсын Англи хэлний олимпиад юм. Энэхүү тэмцээн нь Англи хэлийг хоёрдогч хэлээр эзэмшиж буй 17 хүртэлх насны бүх сурагчдад нээлттэй бөгөөд тэднийг өөрсдийн мэдлэг чадвараа олон улсын түвшинд үнэлүүлэх, өөрийгөө хөгжүүлэх, өрсөлдөх боломжийг олгодог.

➡️ Монгол улс 2025 онд анх энэхүү олимпиадад оролцсон ба 768 сурагч өрсөлдсөн.
➡️ 2026 онд олимпиадад 812 сурагч амжилттай оролцлоо. 

Олимпиадын үе шат:

• 1-р шат 2026 оны 3.1: 141-р сургуудь, Улаанбаатар хот

• 2-р шат 2026 оны 3.28: 1-р сургууль, Улаанбаатар хот

• Дэлхийн финал 2026 оны 10-р сар: Грек улс, Афин хот

ITA - Олон улсын Сорилын байгууллага гэж юу вэ?

➡️ОУБС нь боловсролын үнэлгээний дэлхийн тэргүүлэгч байгууллагуудын нэг бөгөөд сурагчдын чадварыг олон улсын хэмжээнд сорих, үнэлэх эрх бүхий байгууллага юм.

➡️9 жилийн хугацаанд 500,000+ оролцогчийн Англи хэлний чадварыг сорьж, олон улсын стандарт хангасан үнэлгээний системийг боловсруулсан.

➡️KGL Contest нь тус байгууллагын хамгийн том уралдаануудын нэг бөгөөд 40 гаруй оронд жил бүр зохион байгуулагдаж, олон улсын сурагчдын түвшинг жигд үнэлэх зорилготой.

➡️KGL олимпиадад оролцсоноор сурагчид өөрсдийн түвшинг сорьж, олон улсын үнэлгээ авах, боловсролын томоохон боломжуудыг нээх, дэлхийн шилдэг оролцогчидтой өрсөлдөх давуу талтай.

KGL Олимпиадын онцлог давуу талууд:

• Дэлхийн түвшний үнэлгээ – Англи хэлний чадвараа олон улсын жишгээр сорих боломж

• Шударга өрсөлдөөн – Нас, түвшний дагуу зохион байгуулагдсан, олон улсын стандарт хангасан сорилго.

• Хөгжих боломж – Хэлний чадвараа сайжруулж, сорилтын туршлага хуримтлуулах, өндөр түвшний шалгалтуудад бэлдэх.

• Шагнал, урамшуулал – Дэлхийн финалд шалгарвал $500 хүртэлх мөнгөн шагнал, медаль, сертификат хүртэх боломж.

• Ирээдүйн боловсролын замнал – Олон улсын уралдаанд оролцох, Англи хэлний цаашдын карьераа тодорхойлох суурь.

Дэлхийн финалд 1-р байр эзэллээ!

KGL 2025 олимпиадын үндэсний ялагчид

2025 оны 2-р шатны буюу Үндэсний шатны ялагчид:

• Pre-A1 ангилалд 28-р сургуулийн Б.Борогчин, 

• A1 ангилалд Дорнод аймгийн Хэрлэн сумын 8-р сургуулийн Э.Эрсүлд, 

• A2 ангилалд Цэлмэг дижитал сургуулийн С.Мөрөн,

• B1 ангилалд Шинэ үе сургуулийн М.Маргад,

• B2 ангилалд Сант сургуулийн Б.Номундарь нар 1-р байранд орсон.

KGL олимпиад зохион байгуулах зөвшөөрөл

АССУ Академи 2026 он